Naxçıvan Muxtar Respublikasının Şərur rayonunun Axura kəndində dolu hadisəsi qeydə alınıb. Aparılan müşahidələrə əsasən, yağan dolu dənələrinin diametri 5 millimetr təşkil edib.

"NAXÇIVANXƏBƏRLƏRİ" məlumat verir ki, hazırda muxtar respublika ərazisində yağıntılı və qeyri-sabit hava şəraiti müşahidə olunur. 

Məlumata görə, hava şəraitinin həftə sonunadək fasilələrlə davam edəcəyi gözlənilir.

Bəzi ərazilərdə yağışın leysan xarakterli olacağı, şimşək çaxacağı və dolu düşəcəyi ehtimal olunur.