Azərbaycanda boşanmaların əsas səbəbi ailə dəyərlərinə yad təsirlərin müdaxiləsidir.

"NAXÇIVANXƏBƏRLƏRİ" məlumat verir ki, bunu Dini Qurumlarla İş üzrə Dövlət Komitəsinin sədri Ramin Məmmədov Azərbaycan İlahiyyat İnstitutunda "Ailə dəyərləri" mövzusunda keçirilən açıq dərsdə deyib.

Onun sözlərinə görə, Azərbaycanda boşanmaların sayının artmasının ən böyük səbəbi ailə modelinin dəyişməsidir:

"Bu baxımdan ailələrdə ənənəvi dəyərləri mütləq qorumaq lazımdır. Azərbaycanın statistik göstəricilərinə görə, boşanmaların sayı yüksəkdir. Bunu bəzən iqtisadi, sosial və s. səbəblərlə əlaqələndirirlər. Amma səbəb bunların heç biri deyil. Əsas səbəb Azərbaycanda ailə dəyərlərinə yad təsirlərin müdaxiləsidir. Beləliklə ailə modeli dəyişir".