Naxçıvan Muxtar Respublikası Mədəniyyət Nazirliyində Culfa Rayon Mədəniyyət Şöbəsinin tabeliyindəki uşaq musiqi məktəblərinin fəaliyyəti barədə kollegiya iclası keçirilib.

"NAXÇIVANXƏBƏRLƏRİ" məlumat verir ki, Mədəniyyət nazirinin müavini, nazir vəzifələrinin müvəqqəti icra edən Həsən Seyidov diqqətə çatdırıb ki, Nazirliyin müvafiq əmri ilə yoxlama komissiyası yaradılıb. Sözügedən komissiya qeyd olunan musiqi məktəblərində bir sıra yoxlamalar keçirmiş, məktəblərin fəaliyyəti ilə bağlı akt tərtib etmişdir.

İclasda müvafiq arayış diqqətə çatdırılıb, qeyd olunan məsələlər müzakirə olunub və müəyyən edilmiş çatışmazlıqların aradan qaldırılması ilə bağlı tapşırıqlar verilib.